Sekretari i Jashtëm i Mbretërisë së Bashkuar, Lord Cameron, pasi njoftoi se do i jepen Ukrainës 3.75 miliardë dollar, është shprehur se armët britanike të dhëna, mund të përdoren edhe për të goditur objektivat në territorin rus.
Një deklaratë e tillë ka ardhur nga Lord Cameron përgjatë vizitës së tij në Kiev, ditën e enjte, 2 maj 2024, ku u takua me Presidentin ukrainas Volodymyr Zelensky.
Në këtë takim, Sekretari u shpreh se Ukrainës do i sigurohen 3.75 miliardë dollarë ndihma në vit, për aq kohë sa do jetë e nevojshme, pra për aq sa vazhdon lufta mes dy shtetëve.
“Siç ti e di ne jemi mbështetësit e tu më të fortë, e ashtu siç i thash e Ministrit tuaj të Jashtëm, ne nuk vijmë thjesht si miq, por vijmë si partner. Mënyra se si punuam së bashku këtë vit përmes forcës ushtarake, diplomacisë, politikës e financimit për të të suportuar në të gjithat rrugët që mundemi…mendoj se paketa e shpallur ishte e rëndësishme jo vetëm sepse ishte paketa më e madhe e dhuruar që ne kemi dhënë deri më tani, por mendoj se është e rëndësishme të thuhet që këto 3 miliardë paund (3.75 milionë dollarë), nuk është vetëm për këtë vit, por është dhe për vitin tjetër, për vitin pasues të këtij të fundit, dhe për aq vite sa do ju nevojitet!”- tha Lord Cameron.
Por sa ndihma ka marrë deri më tani Ukraina?
Sipas Institutit për Ekonominë Botërore, përgjatë një analize nga shkurt 2023 – shkurt 2024, Ukraina ka përfituar këto paketa në total:
SHBA – 46.2 miliardë dollarë
Gjermania – 10.7 miliardë dollarë
Mbretëria e Bashkuar – 5.7 miliardë dollarë
Danimarkë – 5.2 miliardë dollarë
Zvicra – 4.1 miliardë dollarë
Polonia – 3.2 miliardë dollarë
Suedia – 2.9 miliardë dollarë
Franca – 2.9 miliardë dollarë
Kanada – 2.1 miliardë dollarë
Finlanda – 1.9 miliardë dollarë
